Die Herder

Ja, dit was toe so.
Baie van ons was toe daar na die plaas toe om Ed se 25ste te vier.
Van ons, en ek hoef nie eens name te noem nie, het spesifiek nie opgedaag nie omdat Die Herder en Sy Vrou daar was. (En moenie dit probeer ontken nie, ek is ouer as tien). Jammer Ed, ons het nie bedoel dat van jou oudste vriende jou verjaarsdag moes mis omdat ons daar was nie. As ons vooraf geweet het dit sou so wees, sou ons die knie gebuig het.

Maar nou ja, ons was nou daar en het dit vreeslik geniet, ten spyte van sommige se verdriet. En soos sommige lesers sal agterkom, was daar dinge wat lekker rof uitgedraai het. Dis hoe hierdie tipe partytjies hoort. En alhoewel ek oortuig is van die gaste soos Willem en Ed self sal ook nog foto's op die blog plaas, gaan ek nog steeds hierdie paar juweeltjies opsit vandag. Let op Jacob se sag vlesige dele in sy leeuloop-demonstrasie. Let op ander se gesigsuitdrukkings in die ander foto's. Jy kan maar sê dit was te verwagte. Hoop daar is nog baie.

Groetnis en dankie vir die lekker paartie, en al het ek my te goed gedra en hopeloos te nugter gewees, dit was great en hoop dit is 'n morsige jaar vir jou verder ou maat.